ପାକିସ୍ତାନ ତେହେରିକ ଇସଲାମ ପାର୍ଟି ସୁପ୍ରିମୋ ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନ୍, ପତ୍ନୀ ବୁସରା ବିବି ଓ ଦଳର ୮୦ ନେତା ଦେଶ ଛାଡି ବାହାରକୁ ଯାଇପାରିବେ ନାହିଁ – ଶେହବାଜ ସରିଫଙ୍କ ପିଏମଏଲ-ଏନ ସରକାର ଏନେଇ ନିଷେଧାଦେଶ ଲାଗୁ କରିଛନ୍ତି। କୁହାଯାଇଛି ଯେ ଦେଶର ପୋଲିସ, ଜାତୀୟ ଉତ୍ତରଦାୟ ବ୍ଯୁରୋ ଓ ଦୁର୍ନୀତି ନିବାରଣ ବିଭାଗଗୁଡିକର ଅନୁରୋଧ କ୍ରମେ ଆଇନରେ ଥିବା ପ୍ରାବଧାନ ଅନୁସାରେ ଏପରି ନିଷେଧାଦେଶ ଜାରି କରାଯାଇଛି।
ପିଟିଆଇ ଦଳର ଯେଉଁ ନେତାମାନଙ୍କ ବିଦେଶ ଯାତ୍ରା ଉପରେ ରୋକ ଲଗାଯାଇଛି, ସେମାନେ ହେଲେ – ମୁରାଦ ସୟିଦ, ମାଲିକା ବୁଖାରି,ଫୟେଦ ଚୌଧୁରୀ, ହମାଦ ଆଝାର,କ୍ଵାସିମ ସୁରୀ, ଅସଦ କ୍ଵାଜର,ୟାସମିନ ରସିଦ ଓ ମିଆଁ ଅସଲାମ ପ୍ରମୁଖ।
ଉଲ୍ଲେଖଯୋଗ୍ୟ ଯେ ଇମ୍ରାନ ଖାନ୍ ପାକିସ୍ତାନର ପ୍ରଧାନମନ୍ତ୍ରୀ ଥିବା ସମୟରେ ମଧ୍ୟ ବିରୋଧୀ ଦଳ ନେତାଙ୍କ ବିରୋଧରେ ଏହିପରି ନିଷେଧାଦେଶ ଲଗାଇଥିଲେ, ବର୍ତ୍ତମାନର ପ୍ରଧାନମନ୍ତ୍ରୀ ଥିବା ଶେହବାଜ ସରୀଫଙ୍କ ବିଦେଶ ଯାତ୍ରା ଉପରେ ଏପରି ରୋକ ଲଗାଯାଇଥିଲା।
