ଗତ ରବିବାର ରାତିରେ ମାହାଙ୍ଗା ଥାନା ସିନ୍ଧୁପୁର ଛକରେ ସନ୍ତୋଷ କୁମାର ସେଠି ନାମକ ଜଣ ନିଶାଖୋର ଯୁବକର ମରଣାନ୍ତକ ଆକ୍ରମଣରେ ସୌମ୍ୟରଂଜନ ପଳେଇ (17)ଙ୍କର ମୃତ୍ୟୁ ହୋଇଥିବା ବେଳେ ତାଙ୍କର ଦୁଇ ସାଙ୍ଗ କୈବଲ୍ୟ ପଲେଇ ଓ ଚିନ୍ମୟ ପଲେଇ ଗୁରୁତର ଆହତ ହୋଇ ଚିକିତ୍ସାଧୀନ ଅଛନ୍ତି ।
ପୋଡାମରାଇ ପଂଚାୟତର ସିନ୍ଧୁପୁର ଠାରେ ଗଣେଶ ମୂର୍ତ୍ତି ବିସର୍ଜନ ଦେଖି ଫେରୁଥିବା ବେଳେ ଛକ ଉପରେ ସନ୍ତୋଷ ସେମାନଙ୍କୁ ଆକ୍ରମଣ କରିଥିଲା । 3 ଜଣଙ୍କୁ ପ୍ରଥମେ ମାହାଙ୍ଗା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ପ୍ରାଥମିକ ଚିକିତ୍ସା କରାଯିବା ପରେ କଟକ ବଡ ଡାକ୍ତରଖାନାକୁ ନିଆଯାଇଥିଲା । ସେଠାରେ ଡାକ୍ତର ସୌମ୍ୟଙ୍କୁ ମୃତ ଘୋଷଣା କରିଥିବା ବେଳେ ଅନ୍ୟ ଦୁଇ ଗୁରୁତର ଆହତଙ୍କୁ ଚିକିତ୍ସା କରାଯାଉଛି । ମହାନଗର ଡ୍ରଗ୍ସ ଓ ମଦ ସେବନ ଚିନ୍ତାଜନକ ଭାବେ ବୃଦ୍ଧି ପାଉଥିବା ଅଭିଯୋଗ କରିଛନ୍ତି ସ୍ଥାନୀୟ ଲୋକେ ।
