ରଣପୁର (ସୁଶାନ୍ତ କୁମାର ଡାକୁଆ) : କେନାଲରୁ ଯୁବକଙ୍କର ମୃତଦେହ ଉଦ୍ଧାର l ରଣପୁର ଥାନା ଅନ୍ତର୍ଗତ ଗୋପାଳପୁର ପଟ୍ଟା ଶଙ୍ଖ ଠାରେ ଆଜି ସକାଳୁ ଜଣେ ବ୍ୟକ୍ତିଙ୍କର ମୃତଦେହ ପାଣିରେ ଭାସୁଥିବାର ସ୍ଥାନୀୟ ଗ୍ରାମବାସୀ ମାନେ ଦେଖି ରଣପୁର ପୋଲିସକୁ ଖବର ଦେଇଥିଲେ l ମୃତ ବ୍ୟକ୍ତି ଜଣକ ହେଉଛନ୍ତି ଗୋପାଳପୁର ବଡେଇ ସାହିର 25 ବର୍ଷୀୟ ମୁନା ମହାରଣା l ରଣପୁର ଅଗ୍ନିଶମ ବାହିନୀର ସହାୟତାରେ ମୃତ ଶରୀରକୁ ପାଣି ଭିତରୁ ଉଦ୍ଧାର କରାଯାଇ ଶବ ବ୍ୟବଚ୍ଛେଦ ପାଇଁ ରଣପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଯାଇଛି l ତେବେ କେହି ଦୁର୍ବୃତ୍ତ ଏହି ଯୁବକଙ୍କୁ ମାରି କେନାଲରେ ପକେଇଦେଇଥିବା ସନ୍ଦେହ କରାଯାଉଥିବା ବେଳେ ଘଟଣାସ୍ଥଳରେ ରଣପୁର ପୋଲିସ ପହଞ୍ଚି ଅଧିକ ତଦନ୍ତ କରୁଛି l
