ଗତକାଲି ରାତିରେ ବନ୍ୟପ୍ରାଣୀ ଚମଡା ଓ ହାଡ଼ ଚୋରା ବେପାର ସମ୍ପର୍କିତ ସୂଚନା ପାଇ ଜଙ୍ଗଲ ବିଭାଗ କର୍ମଚାରୀଙ୍କୁ ସାଙ୍ଗରେ ନେଇ ସ୍ପେଶାଲ ଟାସ୍କ ଫୋର୍ସର ଅଫିସରମାନେ ବୌଦ୍ଧ ଜଙ୍ଗଲ ମଣ୍ଡଳ ଅନ୍ତର୍ଗତ ହରଭଙ୍ଗା ଥାନାର ଛତରଙ୍ଗା ଗ୍ରାମରେ ଚଢ଼ାଉ କରିଥିଲେ । ଚଢ଼ାଉରେ ୨ଟି ହରିଣ ଚମଡା ,ଗୋଟିଏ ଚିତାବାଘ କଙ୍କାଳ ଓ ବହୁ ଆପତ୍ତିଜନକ କାଗଜପତ୍ର ଜବତ କରିବା ସହ ଚୋରା ବେପାରୀ ଗିରିଶ କୁମାର ସାହୁଙ୍କୁ ଗିରଫ କରିଛନ୍ତି। ଛତରଙ୍ଗାରୁ ହରଭଙ୍ଗା ଯାଉଥିବା ରାସ୍ତାକଡ଼ର ଏକ ଘରୁ ଏସବୁ ଦ୍ରବ୍ୟ ଜବତ କରାଯାଇଛି।ବନ୍ୟପ୍ରାଣୀ ସୁରକ୍ଷା ଆଇନ ଅନୁସାରେ ଶ୍ରୀ ସାହୁଙ୍କୁ ହରଭଙ୍ଗା ଜେଏମଏଫସି ଅଦାଲତରେ ଦଣ୍ଡବିଧାନ ପାଇଁ ପେଶ କରାଯିବ ବୋଲି ସ୍ପେଶାଲ ଟାସ୍କଫୋର୍ସ ଅଧିକାରୀ କହିଛନ୍ତି ।
