ରାଜଗାଙ୍ଗପୁର (ରଞ୍ଜିତ ରାଉତ) ସୁନ୍ଦରଗଡ଼ ଜିଲ୍ଲା ସ୍ଥିତ କୁତ୍ରା ଅଞ୍ଚଳକୁ ଫେରିଲେ ପୁଣି ଦୁଇ ଦନ୍ତା ହାତୀ। କୁତ୍ରା ଥାନା ପଞ୍ଚରା ଗାଁରେ ଏହି ଦୁଇଟି ଦନ୍ତାଙ୍କ ଉପଦ୍ରଵ ପୁଣି ଆରମ୍ଭ ହୋଇ ଯାଇଛି। ଗତ ରାତିରେ ଗାଁକୁ ପଶି ୪ ଜଣଙ୍କର ଘର ଭାଙ୍ଗି ଦେଇଛନ୍ତି ଏହି ଦୁଇଟି ଦନ୍ତା । ଗତ ମାସ ମଧ୍ୟ ହାତୀ ଗାଁକୁ ପଶି ଘର ଭାଙ୍ଗିବା ସହ ବ୍ୟାପକ ଫସଲ ନଷ୍ଟ କରିଥିଲେ । କିଛି ଦିନ ପରେ ପୁଣି ଦୁଇଟି ଦନ୍ତା ଗାଁରେ ଉପଦ୍ରବ କରିଛନ୍ତି । ପଞ୍ଚରା ଗାଁର ସୁରଜ ମହାନନ୍ଦିଆ, ଅରୁଣ ତିର୍କି, ସୁସ୍ମିତା ତିର୍କି ଓ କୁଆଁରୀ ସିଂଙ୍କ ଘର ଭାଙ୍ଗି ଦେଇଛନ୍ତି। ହାତୀ ଘର ଭାଙ୍ଗିବା ସହ ଘରେ ଥିବା ଧାନ, ଚାଉଳ, ଅଟା ଓ ପନିପରିବା ଖାଇବା ସହ ଦଳି ଚକଟି ନଷ୍ଟ କରିଦେଇଛନ୍ତି । ଖବର ପାଇ ବନ ବିଭାଗ ସେଠାରୁ ହାତୀଙ୍କୁ ଘଉଡାଇଥିବା ବେଳେ ଦନ୍ତା ଦୁଇଟି ଗାଁ ନିକଟ କଟଙ୍ଗଝରିଆ ଜଙ୍ଗଲରେ ରହିଥିବା ଜଣାପଡିଛି । ଏବି ଦନ୍ତା ଦୁଇଟିର ଉପଦ୍ରବରେ ଲୋକେ ଆତଙ୍କିତ ଅଛନ୍ତି।
