ସୁନ୍ଦରଗଡ଼ (ସଂଜୀବ କୁମାର ପାଢୀ) : ସୁନ୍ଦରଗଡ଼ ଜିଲ୍ଲା ସ୍ଥିତ ବଣାଇ ଉପଖଣ୍ଡର କୋଇଡା ବନ ମଣ୍ଡଳ ଗଣୁଆ ପିଆରଏଫ ଅନ୍ତର୍ଗତ ମାଲଦା ଗ୍ରାମ ନିକଟସ୍ଥ ଜଙ୍ଗଲରୁ ଏକ ଚୋରି ମାଙ୍ଗାନିଜ ବୋଝେଇ ଟ୍ରକ ନଂବର ଓଆର ୦୫ଏଆର ୪୩୩୫ କୁ ଜବତ କରିଛି କୋଇଡା ବନବିଭାଗ I ଜବତ ମାଙ୍ଗାନିଜର ମୂଲ୍ୟ ଲକ୍ଷାଧିକ ଟଙ୍କା ହେବ ବୋଲି ଅନୁମାନ କରାଯାଉଛି I ଗତକାଲି ବିଳମ୍ବିତ ରାତିରେ ବନ ବିଭାଗ ର ଏକ ସ୍କ୍ୱାଡ଼ ରାତ୍ରିକାଳୀନ ପେଟ୍ରୋଲିଙ୍ଗ କରୁଥିବା ସମୟରେ ଟ୍ରକଟିକୁ ଦେଖିବାକୁ ପାଇ ଘଟଣାସ୍ଥଳରେ ପହଞ୍ଚିଥିଲେ । ବନବିଭାଗର କର୍ମଚାରୀ ମାନଙ୍କୁ ଦେଖି ମାଙ୍ଗାନିଜ ମାଫିଆ ଓ ଗାଡିର ଡ୍ରାଇଭର ଗାଡିଟିକୁ ଛାଡି ଦୌଡ଼ି ପଳାଇ ଯାଇଥିଲେ I ଆଜି ସକାଳୁ ବନ ବିଭାଗ ଠାରୁ ଖବର ପାଇ କୋଇଡା ଖଣି ଉପ ନିର୍ଦେଶକଙ୍କ କାର୍ଯ୍ୟାଳୟର କର୍ମଚାରୀ ଘଟଣାସ୍ଥଳରେ ପହଞ୍ଚି ଗାଡିଟିକୁ ଯାଞ୍ଚ କରିବା ପରେ ବନବିଭାଗକୁ ହସ୍ତାନ୍ତର କରିଥିଲେ Iଦିନକୁ ଦିନ ଅଞ୍ଚଳରେ ଖଣିଜ ପଦାର୍ଥ ଚୋରି ବୃଦ୍ଧି ପାଉଥିବା ଯୋଗୁଁ ମାଙ୍ଗାନିଜ ମାଫିଆ ମାନେ ଏହାକୁ ଚୋରି କରି ମୋଟା ଅର୍ଥ ଉପାର୍ଜନ କରୁଥିବା ବେଳେ ସରକାରଙ୍କ ର ବିପୁଳ ରାଜସ୍ବ ହାନୀ ହେଉଥିବା ଦେଖିବାକୁ ମିଳିଛି I ତେଣୁ ସମ୍ପୃକ୍ତ ବିଭାଗ ଏ ଦିଗରେ ଯଥେଷ୍ଟ ଯତ୍ନବାନ ହେବାର ଆବଶ୍ୟକତା ପରିଲକ୍ଷିତ ହୋଇଛି I
