ରାଜଗାଙ୍ଗପୁର (ରଞ୍ଜିତ ରାଉତ) : ପାନପୋଷ ଲାଠିକଟା, ଜାତୀୟ ରାଜପଥ ଏନଏଚରେ ଠିଆ ହୋଇଥିବା ଏକ ମଲଟି ଏକ୍ସଲ ଟ୍ରକରେ ସର୍ଟସର୍କିଟ କିମ୍ବା ଅନ୍ୟ କୌଣସି କାରଣରୁ ନିଆଁ ଲାଗିଯାଇଥିଲା । ଟ୍ରକର ସମ୍ମୁଖ ଭାଗ ସଂପୂର୍ଣ୍ଣ ଭାବେ ଜଳିଯାଇଥିଲା । ଆଜି ସକାଳ ୧୦.୩୦ ପାଖାପାଖି ଘଟଣା ଘଟିଥିଲା । ଟ୍ରକର କ୍ୟାବିନ ଓ ଅନ୍ୟ ଇଞ୍ଜିନ ଜଳି ପୋଡ଼ି ଯାଇଥିଲ । ଟ୍ରକର ଚାଳକ ଓ ହେଲପର ଅଳ୍ପକେ ଆସନ୍ନ ମୃତ୍ୟୁ ମୁଖରୁ ବର୍ତ୍ତି ଯାଇଥିଲେ । ପରେ ଘଟଣାର ସୂଚନା ଅଗ୍ନିଶମ ବିଭାଗକୁ ଦିଆଯାଇଥିଲା ସୂଚନା ପାଇବା ପରେ ଦମକଳ ବାହିନୀ କର୍ମି ଓ ପୋଲିଶ କର୍ମୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିଥିଲେ । ଟ୍ରକଟି ତସଲିମ ନାମକ ବ୍ୟକ୍ତିର ହୋଇଥିବା କୁହାଯାଉଛି । ଟ୍ରକରେ କେମିତି ନିଆଁ ଲାଗିଲା ସର୍ଟ ସର୍କିଟ କିମ୍ବା ଅନ୍ୟ କାରଣରୁ ପୋଲିଶ ଘଟଣାର ଛାନବିନ କରୁଛି । ଉକ୍ତ ଘଟଣାକୁ ନେଇ ଆଜି ଜାତୀୟ ରାଜପଥରେ ଲୋକଙ୍କ ଗହଳି ଦେଖିବାକୁ ମିଳିଥିଲା ।
