ରାଉରକେଲା (ବିଜୟ ପ୍ରଧାନ) ଆଜି ପୂର୍ବତନ ପ୍ରଧାମନ୍ତ୍ରୀ , ଭାରତରତ୍ନ ତଥା ଭାରତୀୟ ଜନତା ପାର୍ଟିର ପ୍ରତିଷ୍ଠାତା ଓ ପ୍ରଥମ ରାଷ୍ଟ୍ରୀୟ ସଭାପତି ଅଟଳ ବିହାରୀ ବାଜପେୟୀଙ୍କ ପୁନ୍ୟତିଥି । ଏହି ତିଥି ଅବସରରେ ଭରତୀୟ ଜନତା ପାର୍ଟି ପାନପୋଷ ସାଙ୍ଗଠାନିକ ଜିଲ୍ଲା ତରଫରୁ ଜିଲ୍ଲା ସଭାନେତ୍ରୀ ଲତିକା ପଟ୍ଟନାୟକଙ୍କ ନେତୃତ୍ଵରେ ରାଉରକେଲା ଇସ୍ପାତ ନଗରୀ , ଆମ୍ବଗାନ ଛକ ନିକଟସ୍ଥ ବାଜପାୟୀଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରାଯାଇ ଗଭୀର ଶ୍ରଦ୍ଧାଞ୍ଜଳି ଜ୍ଞାପନ କରା ଯାଇଥିଲା । ସୁନ୍ଦରଗଡ଼ ସାଂସଦ ତଥା ସଂସଦୀୟ ପ୍ରତିରକ୍ଷା କମିଟିର ଅଧ୍ୟକ୍ଷ ଜୁଏଲ ଓରାମ ବାଜପାୟୀଙ୍କ ପ୍ରତି ମୂର୍ତ୍ତିରେ ଶ୍ରଦ୍ଧାଞ୍ଜଳି ଜ୍ଞାପନ କରିବା ସହିତ ମୋ ମାଟି ମୋ ଦେଶ କାର୍ଯ୍ୟକ୍ରମ ଅନୁଯାୟୀ କଳସରେ ସେ ସ୍ଥାନରୁ ମାଟି ସଂଗ୍ରହ କରି ଦିଲ୍ଲୀ ପଠାଇଲେ । ସେ ବାଜପାୟୀଙ୍କ ସୃତି ଚାରଣ କରିବା ସହିତ ତାଙ୍କର ଦୂରଦୃଷ୍ଟି ଓ କାର୍ଯ୍ୟ ଶୈଳୀର ଭୂୟସୀ ପ୍ରଶଂସା କରିଥିଲେ। ସର୍ବଶିକ୍ଷା ଅଭିଯାନ, ପୋଖରଣ ମିଶାଇଲ ପରୀକ୍ଷଣ, ସ୍ଵର୍ଣ୍ଣ ଚତୃଭୂଜ ଯୋଜନା ଓ ପ୍ରଧାମନ୍ତ୍ରୀ ଗ୍ରାମ୍ୟ ସଡ଼କ ଯୋଜନାର ପ୍ରବର୍ତ୍ତକ ସେ ଥିଲେ ।ଆଜିର ଏହି କାର୍ଯ୍ୟକ୍ରମରେ ଜିଲ୍ଲା ସଭାନେତ୍ରୀଙ୍କ ସହିତ ରାଜ୍ୟ ମୁଖପାତ୍ର ଧିରେନ୍ ସେନାପତି, ରାଜ୍ୟ କାର୍ଯ୍ୟକାରିଣୀ ସଦସ୍ୟ ନିହାର ରାୟ ଓ ଜଗବନ୍ଧୁ ବେହେରା, ରାଜ୍ୟ ଅନୁସୂଚିତ ଜାତି ମୋର୍ଚ୍ଚା ଉପସଭାପତି ଦୁର୍ଗା ତନ୍ତୀ ଓ ରାଜ୍ୟ ଅନୁସୂଚିତ ଜାତି ମୋର୍ଚ୍ଚା କାର୍ଯ୍ୟକାରିଣୀ ସଦସ୍ୟ ଭ୍ରମରବର ବେହେରା, ଜିଲ୍ଲା ମୁଖପାତ୍ର ଗଙ୍ଗାଧର ଦାଶ, ଜିଲ୍ଲା ସାଧାରଣ ସମ୍ପାଦକ ମଳୟ ମହାପାତ୍ର, ଜିଲ୍ଲା ସମ୍ପାଦକ ଅଜୟ କଂସାରି, ଜିଲ୍ଲା ଏସ ସି ମୋର୍ଚ୍ଚା ସଭାପତି ରୋହିତ ତନ୍ତୀ,ଭାସ୍କର ନନ୍ଦ, ସୂର୍ଯ୍ୟ ସାହୁ, ବ୍ୟାସଦେବ ନାଥ, ତାରକାନାଥ ମହାପାତ୍ରଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ। ସେହିପରି ଆଜି ସନ୍ଧ୍ୟାରେ ଦୀପ ପ୍ରଜ୍ବଳନ କରି ଶ୍ରଦ୍ଧାଞ୍ଜଳି ଜ୍ଞାପନ କରା ଯାଇଥିଲା । ଏହି କାର୍ଯ୍ୟକ୍ରମରେ ଲତିକା ପଟ୍ଟନାୟକ, ଜଗବନ୍ଧୁ ବେହେରା, ଗଙ୍ଗାଧର ଦାଶ, ସୁବ୍ରତ ପଟ୍ଟନାୟକ,ମଳୟ ମହାପାତ୍ର, ପ୍ରବାଲ ବାରିକ, ଭାସ୍କର ନନ୍ଦ, ବସନ୍ତ ସାମଲ, ବ୍ୟାସଦେବ ନାଥ, ଧନେଶ୍ଵର ଦାସ, ଶ୍ରୀକାନ୍ତ ପାଢ଼ୀ, ସୁମିତ୍ ପଣ୍ଡା, ଆଲୋକ ବିଶ୍ଵାଳ, ସୋନୁ ନାୟକ, ତାରା ମହାପାତ୍ର,ଚନ୍ଦନ ବେହେରା , ରାଜକୁମାର ହିର ରୁପେଶ ପଟ୍ଟନାୟକ, ଦିତିକ୍ରିଷ୍ଣ ବେହେରା , ଅନନ୍ତ ବଡାଇକ, ବିନୟ ପତିଙ୍କ ସମେତ ବହୁ ବ୍ୟକ୍ତି ବିଶେଷ ଉପସ୍ଥିତ ଥିଲେ ବୋଲି ଜିଲ୍ଲା ମୁଖପାତ୍ର ଗଙ୍ଗାଧର ଦାଶ ଏକ ପ୍ରେସ ବିବୃତିରେ ଜଣାଇଛନ୍ତି ।
