କଟକ (ରାଜୁ ସ୍ୱାଇଁ) : ତିଗିରିଆ ନୂଆପାଟଣା କଲେଜ ଛକ ଠାରେ ଆଜି ପ୍ରାୟ ଅପରାହ୍ନ ୫.୧୫ ସମୟରେ ଏକ ଲୁଣ ବୋଝେଇ ଟ୍ରକ ଭାରସାମ୍ୟ ହରାଇ ନୂଆପାଟଣା କଲେଜ ଛକ ଠାରେ ଥିବା ଏକ ଉଠା ଦୋକାନୀଙ୍କ ବାଇକକୁ ଧକ୍କା ଦେଇଥିଲା, ଫଳରେ ଅଳ୍ପକେ ବର୍ତ୍ତିଯାଇଛନ୍ତି ଉଠାଦୋକାନି । ସୂଚନା ଅନୁସାରେ ଏକ ଲୁଣ ବୋଝେଇ ଓଡି ୦୫ ଏଏ ୯୫୩୦ ଟ୍ରକ୍ ଟି ନୂଆପାଟଣାରୁ ଲୁଣ ବୋଝେଇ କରି କଟକ ଜିଲ୍ଲା ନରସିଂହପୁରକୁ ଯାଉଥିବା ସମୟରେ ୬୫ ନମ୍ବର ରାଜ୍ୟପଥର କଲେଜ ଛକ ଠାରେ ଥିବା ଏକ ଉଠା ଦୋକାନୀଙ୍କ ବାଇକକୁ ଧକ୍କା ଦେଇଥିଲା । ତେବେ ଉଠାଦୋକାନି ଜଣକ ଅଳ୍ପକେ ବର୍ତ୍ତିଯାଇଛନ୍ତି । ଏହି ଦୁର୍ଘଟଣା ପରେ ଘଟଣା ସ୍ଥଳରେ ଡାଇଭରକୁ ଅଟକ ରଖିଥିଲେ ସ୍ଥାନୀୟ ଲୋକମାନେ । ଡ୍ରାଇଭର ଜଣକ ଅତ୍ୟଧିକ ମଦ୍ୟ ପାନ କରିଥିବାରୁ ଏଭଳି ଘଟଣା ଘଟିଥିବା ଜଣା ପଡ଼ଛି । କିଛି ସମୟ ପରେ ଗାଡ଼ିର ମାଲିକ କ୍ଷତି ପୁରଣ ଦେବା ପରେ ଗାଡ଼ିଟିକୁ ଛାଡ଼ିଦେଇଥିଲେ ସ୍ଥାନୀୟ ଲୋକେ
