ପ୍ରେମିକର ଛୁରାମାଡ଼ରେ ପ୍ରେମିକା ଭାଇର ମୃତ୍ୟୁ ।
ଏଭଳି ଘଟଣା ଘଟିଛି ଭଦ୍ରକ ଜିଲ୍ଲା ଧୁଷୁରୀ ଥାନା ଅନ୍ତର୍ଗତ ପାଳସାହିରେ। ମୃତ ବ୍ୟକ୍ତି ଜଣଙ୍କ ହେଲେ ଦେବାଶିଷ ପ୍ରଧାନ।
ପୁଲିସ ଅଭିଯୁକ୍ତ ପ୍ରେମିକ ନନ୍ଦ କିଶୋର ଜେନାକୁ ଅଟକ ରଖି ପଚରାଉଚରା କରୁଛି ।
ସୂଚାନୁସାରେ ଦେବାଶିଷଙ୍କ ଭଉଣୀ ସହ ଅଭିଯୁକ୍ତ ନନ୍ଦ କିଶୋରଙ୍କର ପ୍ରେମ ସମ୍ପର୍କ ଥିଲା। ହେଲେ ଦେବାଶିଷ ଉଭୟଙ୍କ ଏହି ପ୍ରେମକୁ ବିରୋଧ କରୁଥିଲା ।
ତେବେ ଗତକାଲି ସନ୍ଧ୍ୟାରେ ଦେବାଶିଷ ପାଳସାହି ବଜାରକୁ ଯାଇଥିବା ବେଳେ ନନ୍ଦ କିଶୋରଙ୍କ ସହ ତାଙ୍କର ବଚସା ହୋଇଥିଲା।
ପରେ ନନ୍ଦକିଶୋର ଉତ୍ତ୍ୟକ୍ତ ହୋଇ ଛୁରୀରେ ଆଣି ଦେବାଶିଷକୁ ଆକ୍ରମଣ କରିଥିଲେ ।
ପରିବାର ଲୋକ ଦେବାଶିଷକୁ ଗୁରୁତର ଅବସ୍ଥାରେ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ।
ହେଲେ ସେଠାରେ ଚିକିତ୍ସାଧୀନ ଅବସ୍ଥାରେ ଦେବାଶିଷଙ୍କର ମୃତ୍ୟୁ ଘଟିଥିଲା। ଖବର ପାଇ ଧୁଷୁରୀ ଥାନା ପୁଲିସ ପହଞ୍ଚି ଘଟଣାର ତଦନ୍ତ ଜାରି ରଖିଛି ।