ଗଞ୍ଜାମ (ଆଶିଷ କୁମାର ଗୌଡ଼) : ବେଲଗୁଣ୍ଠା ବିଜ୍ଞାପିତ ଅଞ୍ଚଳ ପରିଷଦ ଅନ୍ତର୍ଗତ ସ୍ବାମୀ ବିବେକାନନ୍ଦ ଶିଶୁ ମନ୍ଦିର ଠାରେ “ସ୍ୱଚ୍ଛତା କି ଦୋ ରଙ୍ଗ” କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି I ଛାତ୍ର ଛାତ୍ରୀଙ୍କ ମଧ୍ୟରେ ସ୍ୱଚ୍ଛତା ସମ୍ବନ୍ଧୀୟ ବ୍ୟବହାରିକ ପରିବର୍ତ୍ତନ ସୂଚନା, ଶିକ୍ଷା ଓ ଯୋଗାଯୋଗ ବିଷୟରେ ଏକ ସହାଭାଗୀ ଆଲୋଚନା କରାଯାଇଥିଲା I ଜନସାଧାରଣଙ୍କ ମଧ୍ୟରେ ଥରେ ବ୍ୟବହାର କରି ଫିଙ୍ଗି ଦେଉଥିବା ପଲିଥିନ ବ୍ୟବହାର ତଥା ଡଷ୍ଟବିନର ସଦୁପଯୋଗ ପ୍ରତି ସଚେତନ କରିବା ନିମନ୍ତେ ବିଭିନ୍ନ ରଣନୀତି ପ୍ରସ୍ତୁତି କରାଯାଇ ଥିଲା I ସଂପାଦକ ସୁଶାନ୍ତ କୁମାର ବେହେରାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ବେଲଗୁଣ୍ଠା ଏନ.ଏ.ସି ସହର ମିଶନ ପରିଚାଳକ ପ୍ରଫୁଲ୍ଲ ଷଡ଼ଙ୍ଗୀ କାର୍ଯ୍ୟକ୍ରମ ପରିଚାଳନା କରିଥିଲେ I ଅନୁଷ୍ଠାନର ସହ ପ୍ରଧାନ ଆଚାର୍ଯ୍ୟା ସଂଘମିତ୍ରା ନାୟକ, ସୁକାନ୍ତ, ଶିବରାମ, ଗୁଣ୍ଡିଚା, ସୁଶାନ୍ତ, ବସନ୍ତ, ସତ୍ୟ, ସୂର୍ଯ୍ୟ ଗୁରୁଜୀ ଏବଂ ମାଧୁରୀ ଗୁରୁମାଙ୍କ ସମେତ ସ୍ୱଚ୍ଛ ସାଥି ମିନତୀ ମହାରଣା, ରଞ୍ଜିତା ସାହୁ, ରାଜଲକ୍ଷ୍ମୀ ପାଳ, ସାନିଟେସନ ସୁପରଭାଇଜର ଶିବରାମ ଚୌଧୁରୀ ସହଯୋଗ କରିଥିଲେ I ଅନୁଷ୍ଠାନର ପ୍ରଧାନ ଆଚାର୍ଯ୍ୟ କାଶୀନାଥ ସାହୁ ଧନ୍ୟବାଦ ଅର୍ପଣ କରିଥିଲେ I
