ଶ୍ରୀମନ୍ଦିର ପରିକ୍ରମା ପ୍ରକଳ୍ପର ଖନନ କାର୍ଯ୍ୟ ରୋକିବା ପାଇଁ ଓଡିଶା ହାଇକୋର୍ଟ ନିର୍ଦ୍ଦେଶ ନଦେବାରୁ ଏହା ଉପରେ ସୁପ୍ରିମକୋର୍ଟରେ ସ୍ପେଶାଲ ଲିଭ ପିଟିସନ ଦାୟର ହୋଇଥିଲା, ଆଡ଼ଭୋକେଟ ଗୌତମ ଦାସଙ୍କ ଜରିଆରେ। ମାନ୍ୟବର ବିଚାରପତି ବି.ଆର.ଗାଭାଇ ଓ ହିମା କୋହଲିଙ୍କ ବେଞ୍ଚରେ ଶୁଣାଣି ପାଇଁ ଗତକାଲି ନିମନ୍ତେ ବେଞ୍ଚ ମଧ୍ୟ ରାଜି ହୋଇଥିଲେ । ମାତ୍ର ବୈଷୟିକ କାରଣ ଦର୍ଶାଇ ଏହା ଉପରେ ଶୁଣାଣି କରିବାକୁ ମନା କରି ଦେଇଛି ସୁପ୍ରିମକୋର୍ଟ। ମାନ୍ୟବର ବିଚାରପତି ଶ୍ରୀ ଗାଭାଇ ଗତକାଲି କହିଛନ୍ତି ଯେ ବୈଷୟିକ କାରଣ ପାଇଁ ବେଞ୍ଚ ଏହା ଉପରେ ଶୁଣାଣି କରିପାରୁନାହିଁ । ସେ କହିଛନ୍ତି ଯେ କେଉଁ ମାମଲା କେଉଁ ବେଞ୍ଚରେ ଶୁଣାଣି ହେବ, ତାହା ମୁଖ୍ୟ ବିଚାରପତି ସ୍ଥିର କରିବାର ବିଧି ରହିଥିବା ଦୃଷ୍ଟିରୁ ଓ ମୁଖ୍ୟ ବିଚାରପତି ଏହି ମାମଲାର ଶୁଣାଣି ଦାୟିତ୍ୱ ତାଙ୍କ ବେଞ୍ଚ ଉପରେ ନ୍ୟସ୍ତ କରିନଥିବାରୁ ପରିକ୍ରମା ପ୍ରକଳ୍ପର ଖନନକାର୍ଯ୍ୟ ଉପରେ ରୋକ ଲଗାଇବା ପାଇଁ ଦାୟର ହୋଇଥିବା ସ୍ପେଶାଲ ଲିଭ ପିଟିସନର ଶୁଣାଣି କରାଯାଇ ପାରିବ ନାହିଁ !
