କାଲି ଅପରାହ୍ନ ୩.୩୦ ସମୟରେ ସ୍କୁଲ ପଡ଼ିଆରେ ଖେଳୁଥିବା ବେଳେ ଚଡ଼କ ପଡ଼ି ଜଣେ ସପ୍ତମ ଶ୍ରେଣୀ ଛାତ୍ରର ଅକାଳ ମତ୍ୟୁ ଘଟିଛି। ଅନୁଗୋଳ ଜିଲ୍ଲାର କିଶୋର ନଗର ବ୍ଲକର ଘୋଷରା ଉଚ୍ଚ ପ୍ରାଥମିକ ବିଦ୍ୟାଳୟରେ ଘଟିଛି ଏହି ଦୁର୍ଘଟଣା। ଅନ୍ୟ ପିଲାମାନଙ୍କ ସହ ସ୍କୁଲର ଖେଳପଡିଆରେ ଖେଳୁଥିବା ବେଳେ ହଠାତ୍ ବଜ୍ରପାତ ହେବା ଫଳରେ ସପ୍ତମ ଶ୍ରେଣୀ ଛାତ୍ର ଚନ୍ଦନ କୁମାର ସାନୁ ବେହୋସ ହୋଇ ତଳେ ପଡି ଯାଇଥିଲା, ତାକୁ ସାଙ୍ଗେ ସାଙ୍ଗେ ସ୍ଥାନୀୟ ଚିକିତ୍ସାଳୟକୁ ନିଆ ଯାଇଥିଲା, ଡାକ୍ତର ତାକୁ ମୃତ ଘୋଷଣା କରିଥିଲେ।
