ଚନ୍ଦକା : ଗୋଠପାଟଣା ପାଇକରାପୁର ଅଂଚଳ ସ୍କୁଲ ନିକଟରେ ଜଣେ ପିଅନଙ୍କୁ ପିଟିପିଟି ହତ୍ୟା କରାଯାଇଥିବା ଅଭିଯୋଗ ଆସିଛି । ମୃତକଙ୍କ ନାଁ ବଂଶୀଧର ବେହେରା ବୋଲି ଜଣାପଡିଛି। ପାଇକରାପୁର ସ୍କୁଲରେ ପିଅନ୍ ଭାବେ କାମ କରୁଥିଲେ ବଂଶୀଧର । ତାଙ୍କ ଘର ରେତଙ୍ଗ ପଞ୍ଚାୟତର ବ୍ରହ୍ମକୁଣ୍ଡଳ ଗାଁରେ ବୋଲି ସୂଚନା ମିଳିଛି । ଗତକାଲି କିଛି ଲୋକ ସ୍କୁଲ ନିକଟରେ ଭୋଜି କରୁଥିଲେ । କୌଣସି କାରଣରୁ ତାଙ୍କ ସହିତ ବଂଶୀଧରଙ୍କର ବଚସା ହୋଇଥିଲା । ତାପରେ ସେମାନେ ବଂଶୀଧରଙ୍କୁ ପିଟିପିଟି ମାରି ଦେଇଥିବା କୁହାଯାଉଛି । ଖବର ପାଇ ଘଟଣାସ୍ଥଳରେ ଚନ୍ଦକା ଥାନା ପୁଲିସ ପହଞ୍ଚି ଘଟଣାର ତଦନ୍ତ କରୁଛି । ତେବେ ପୂର୍ବ ଶତ୍ରୁତାକୁ ନେଇ ଏହି ହତ୍ୟାକାଣ୍ଡ ଘଟିଥିବା ପ୍ରାଥମିକ ଅନୁସନ୍ଧାନରୁ ଜଣାଯାଇଛି।
