ବିଜେଡିର କ୍ଷମତା ଅଳିନ୍ଦରେ କୋଣଠେସା ହୋଇଯାଇଥିବା ପୂର୍ବତନ ମନ୍ତ୍ରୀ ସଞ୍ଜୟ ଦାସବର୍ମା କାଲି ପୁରୀରେ ଜନସମ୍ପର୍କ ପଦଯାତ୍ରାରେ କହିଛନ୍ତି ଯେ ବାହାରର ଲୋକେ ଓଡିଶାକୁ ଲୁଟୁଛନ୍ତି । ଏହାକୁ ଏକ ଷଡଯନ୍ତ୍ର ବୋଲି କହି ବୋମା ଫୁଟାଇ ଦେଇଛନ୍ତି ସଞ୍ଜୟ। ଧାମନଗରର ଉପନିର୍ବାଚନରେ ଶାସକ ଦଳର କରୁଣ ପରିଣତିର ସଦମା ଦଳ ଭିତରେ ଅସନ୍ତୋଷ ସୃଷ୍ଟି କରୁଥିବା ବେଳେ ବ୍ରହ୍ମଗିରିର ପୂର୍ବତନ ବିଧାୟକ କାହାକୁ ନିଶାଣରେ ରଖି ଏପରି କଥା କହିଛନ୍ତି, ତାହାକୁ ନେଇ ରାଜନୀତି ମହଲରେ ଚର୍ଚ୍ଚା ଆରମ୍ଭ ହୋଇଯାଇଛି ।
