ଜଗନ୍ନାଥ ଧାମ ପୁରୀ ଏବେ ଅବୈଧ ମାରଣାସ୍ତ୍ର କାରବାରର ପେଣ୍ଠସ୍ଥଳୀ ପାଲଟିଛି ।
ଏବର୍ଷ ଏହି କାରବାର ଚଳାଉଥିବା ୫୦ ଅପରାଧୀକୁ ପୋଲିସ ଗିରଫ କରିଛି, ସେମାନଙ୍କ ପାଖରୁ ୧୬ ଟି ମାରଣାସ୍ତ୍ର ଜବତ ହୋଇଛି ।
ଗତକାଲି ପୁରୀ ସଦର, ସହର ଓ ବଳିଆପଣ୍ଡା ଅଞ୍ଚଳର ବିଭିନ୍ନ ସ୍ଥାନରେ ଚଢଉ କରି ୪ ମାରଣାସ୍ତ୍ର, ୪ ଜୀବନ୍ତ ଗୁଳି, ମୋବାଇଲ ଫୋନ ଓ ଟଙ୍କା ଜବତ କରାଯାଇଛି ବୋଲି ଆରକ୍ଷୀ ଅଧିକ୍ଷକ କନୱାର ବିଶାଲ ସିଂ କହିଛନ୍ତି।
ଚଢ଼ାଉରେ ୭ ଅପରାଧୀଙ୍କୁ ଗିରଫ କରିଛି ପୋଲିସ, ସେମାନଙ୍କ ମଧ୍ୟରୁ ୬ ଜଣଙ୍କର ପରିଚୟ ଜଣାପଡିଛି ।
ସେମାନେ ହେଲେ -ରତିକାନ୍ତ ପରିଡା ଓରଫ ରୁସିଆ, ଲୋକନାଥ ଦାସ, ଅଶୋକ ସାହୁ, ଗୁଡ଼ୁ,ରକି ଓ ରଣଜିତ -ସମସ୍ତଙ୍କ ନାମରେ ବିଭିନ୍ନ ଥାନାରେ ମାମଲା ରୁଜୁ ହୋଇଥିବା ପୋଲିସ କହିଛି
