ପ୍ରତିବର୍ଷ ଭଳି ଗତକାଲି ସଂଧ୍ୟାରେ ପ୍ରମୁଖ ଗାନ୍ଧୀବାଦୀ ଅନୁଷ୍ଠାନ ରାଜକିଶୋର ନାୟକ ନେସନାଲ ଫାଉଣ୍ଡେସନ ପକ୍ଷରୁ ଭାବପୂର୍ଣ୍ଣ ଗାନ୍ଧୀ ଜୟନ୍ତୀ ଉତ୍ସବ ପାଳିତ ହୋଇଯାଇଛି।
ଫାଉଣ୍ଡେସନର ସଭାପତି ପ୍ରହଲ୍ଲାଦ ସିଂହଙ୍କ ଅଧ୍ଯକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମ ପ୍ରାରମ୍ଭରେ ଅଧ୍ଯାପିକା ସଙ୍ଘମିତ୍ରା ନାୟକଙ୍କ ସଂଯୋଜନାରେ ମନୋଜ୍ଞ ଗାନ୍ଧୀ ଭଜନ ଓ ରାମଧୁନ ଗାନ କରାଯାଇଥିଲା, ୮ବର୍ଷର କୁନିଝିଅ ପର୍ଣ୍ଣିକା ଖଟୁଆ ଗାନ୍ଧୀଜୀଙ୍କ ପ୍ରିୟ ବୈଷ୍ଣବ ଜନତୋ ସଙ୍ଗୀତ ଗାନକରି ସମସ୍ତଙ୍କୁ ମୁଗ୍ଧ କରିଥିଲେ।
ସର୍ବଶ୍ରୀ ଅଧ୍ଯାପକ ଅଭିରାମ ବିଶ୍ଵାଳ, ନିଳୟକାନ୍ତ ମହାପାତ୍ର, ଅମୀୟ କୁମାର ଜେନା, ଦିଲ୍ଲୀପ ମିଶ୍ର ଶତୃଜୀତ, ଅସ୍ତୁ ନାୟକ ଓ ଶ୍ରୀମତୀ କବିତା ମଞ୍ଜରୀ ପରିଡ଼ା ପ୍ରମୁଖ ମହାତ୍ମା ଗାନ୍ଧୀଙ୍କ ଅପ୍ରତିମ ଜୀବନ, ଅନନ୍ଯ ସରଳତା ଓ ସତ୍ୟ ଅହିଂସା ମାର୍ଗରେ ଅଟଳ ସାହସିକତା ସମ୍ପର୍କରେ କହିଥିଲେ।
ଉତ୍ସବରେ ଯୋଗଦେଇ ଖାଦ୍ୟ ଓ ସମବାୟ ମନ୍ତ୍ରୀ ଅତନୁ ସବ୍ଯସାଚୀ ଏବଂ ଜଳସମ୍ପଦ ମନ୍ତ୍ରୀ ଟୁକୁନୀ ସାହୁ ମହାତ୍ମାଙ୍କ ଅମର ସ୍ମୃତି ପ୍ରତି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।
