ଅଫିସ କିରାଣୀ ଜୀତେନ୍ଦ୍ର ସେଠୀଙ୍କ ଜରିଆରେ ଜଣେ ଡ୍ରାଇଭର ଠାରୁ ୧୨ ହଜାର ୬୦୦ ଟଙ୍କା ଲାଞ୍ଚ ନେଉଥିବା ବେଳେ ଯାଜପୁର ଜିଲ୍ଲା ନିୟୋଜନ ଅଧିକାରୀ ତାପସ ସ୍ଵାଇଁ ଭିଜିଲାନ୍ସ ହାତରେ ରଙ୍ଗାହାତ ଧରା ପଡିଛନ୍ତି । ଉଭୟଙ୍କୁ ଗିରଫ କରାଯାଇଛି।
ପ୍ରାପ୍ତ ସୂଚନାରୁ ଜଣା ଯାଇଛି ଯେ ବିବେକାନନ୍ଦ ମହାପାତ୍ର ନାମକ ଜଣେ ବ୍ଯକ୍ତି ନିଜ ଗାଡିକୁ ଅଫିସରେ ଭଡା ଲଗାଇଥିଲେ। ଗତ କିଛି ମାସ ଧରି ତାଙ୍କୁ ଗାଡିଭଡା ଓ ଇନ୍ଧନ ବାବଦ ପ୍ରାପ୍ୟ ଦିଆଯାଇ ନଥିବାରୁ ସେ ନିଜର ପ୍ରାପ୍ଯ ପଇଠ କରିବାକୁ ଅନୁରୋଧ କରିବାରୁ, ଜିଲ୍ଲା ନିୟୋଜନ ଅଧିକାରୀ ତାଙ୍କୁ ଲାଞ୍ଚ ମାଗିଥିଲେ। ଭିଜିଲାନ୍ସ ପକ୍ଷରୁ ଶ୍ରୀ ସ୍ଵାଇଁଙ୍କ ଭୁବନେଶ୍ୱରସ୍ଥିତ ଦୁଇ ମହଲା ଘର ଓ କଟକ ନିଆଳିରେ ଥିବା ପୈତୃକ ଘରେ ଚଢ଼ାଉ ଜାରି ରହିଛି ।
