ସୁନ୍ଦରଗଡ଼ (ସଂଜୀବ କୁମାର ପାଢୀ) : ସୁନ୍ଦରଗଡ଼ ଜିଲ୍ଲା ସ୍ଥିତ ବଣାଇଁ ଥାନା ଅନ୍ତର୍ଗତ ବାବୁ ନୂଆଗାଁ ସଂଲଗ୍ନ ୧୪୩ ନମ୍ବର ଜାତୀୟ ରାଜପଥ ରାସ୍ତାର ଲୁଲୁଢାବା ନିକଟରେ ବାଇକ ଦୁର୍ଘଟଣାରେ ଜଣେ ମୃତ ଦୁଇ ଜଣ ଯୁବକ ଗୁରୁତର ହୋଇଥିବା ଜଣାପଡିଛି । ରାଉରକେଲା ବଲଣ୍ଡା ଗ୍ରାମରୁ ଏକ ବାଇକ ଓଡି ୧୪ ଏ ବି ୭୭୭୪ ନମ୍ବର ଯୋଗେ ତିନି ଜଣ ଯୁବକ କିଶୋର କୁଜୁର , ପ୍ରଦୀପ ମାଝୀ ଆଉ ଜଣେ ଅମର ନାମ ବୋଲି ଜଣାପଡିଥିବା ବେଳେ ସେମାନେ ବଣାଇଁଗଡ ସହରକୁ କୌଣସି କାମକୁ ଆସି ରାତି ୭ଟା ପାଖାପାଖି ସମୟରେ ଘରକୁ ଫେରୁଥିବା ବେଳେ ଲୁଲୁଢାବା ନିକଟରେ ବାଇକଟି ଭାରସାମ୍ୟ ହରାଇ ରାସ୍ତା ତଳକୁ ଛିଟିକି ପଡି ଯିବାରୁ କିଶୋର କୁଜୁର ନାମକ ଯୁବକ ଘଟଣାସ୍ଥଳରେ ମୃତ୍ୟୁ ହୋଇଥିବା ଅନ୍ୟ ଦୁଇ ଜଣ ଯୁବକ ଗୁରୁତର ହୋଇ ପଡିଥିଲେ ।ତେବେ ଗୁରୁତର ହୋଇଥିବା ଦୁଇଜଣ ଯୁବକଙ୍କୁ ଉଦ୍ଧାର କରି ଚିକିତ୍ସା ପାଇଁ ବଣାଇଁ ଉପଖଣ୍ଡ ଚିକିତ୍ସାଳୟକୁ ଚିକିତ୍ସା ପାଇଁ ଭର୍ତ୍ତି କରିଥିବା ଜଣାପଡିଛି ।ଖବର ପାଇ ବଣାଇଁ ଥାନା ସବଇନ୍ସପେକ୍ଟର ସୁବ୍ରତ ପଣ୍ଡା ଘଟଣାସ୍ଥଳରେ ପହଞ୍ଚି ଶବକୁ ଜବତ କରି ବ୍ଯବଚ୍ଛେଦ ନିମନ୍ତେ ପଠାଇବା ସହ ଘଟଣାର ତଦନ୍ତ ଚଲାଇଥିବା ଜଣାପଡ଼ିଛି ।
