ସମ୍ବାଦ ପତ୍ରିକା ଇଣ୍ଡିଆ ଟୁଡେର ‘ମୁଡ୍ ଅଫ୍ ନେସନ’ ସର୍ବେକ୍ଷଣରେ ନବୀନ ପଟ୍ଟନାୟକ ଦେଶର ସବୁଠାରୁ ଲୋକପ୍ରିୟ ମୁଖ୍ୟମନ୍ତ୍ରୀ ସାବ୍ୟସ୍ତ ହୋଇଛନ୍ତି, ଓଡ଼ିଶାର ଶତକଡା ୭୮ ଭାଗ ଲୋକ ତାଙ୍କ ନେତୃତ୍ୱକୁ ଶ୍ରେଷ୍ଠ ବିବେଚନା କରୁଥିବା କଥା ପତ୍ରିକା ପକ୍ଷରୁ ଦର୍ଶାଯାଇଛି ।
ଶ୍ରୀ ପଟ୍ଟନାୟକଙ୍କ ତଳକୁ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ଵଶର୍ମା ଦ୍ଵିତୀୟ ଓ ତାମିଲନାଡୁ ମୁଖ୍ୟମନ୍ତ୍ରୀ ଏମ୍ କେ ଷ୍ଟାଲିନ ତୃତୀୟ ସ୍ଥାନରେ ଅଛନ୍ତି।
ନିଜ ନିଜ ପ୍ରଦେଶରେ ଦୁହିଁଙ୍କର ଲୋକପ୍ରିୟତା ଯଥାକ୍ରମେ ଶତକଡା ୬୩ ଓ ଶତକଡା ୬୧ ବୋଲି ଇଣ୍ଡିଆ ଟୁଡେ ପକ୍ଷରୁ କୁହାଯାଇଛି ।
ସେହିପରି ବର୍ତ୍ତମାନ ଯଦି ଲୋକସଭା ନିର୍ବାଚନ ହୁଏ, ତେବେ ନରେନ୍ଦ୍ର ମୋଦିଙ୍କ ନେତୃତ୍ଵାଧୀନ ଏନଡିଏ ୨୮୬ ଆସନରେ ବିଜୟ ଲାଭ କରିବ ଓ ଅନ୍ଯମାନେ ୨୫୭ ଆସନରେ ବିଜୟୀ ହେବ ବୋଲି ଏହି ସର୍ବେକ୍ଷଣରେ ଦର୍ଶାଯାଇଛି।
