କଟକ ଜିଲ୍ଲା ନିଆଳି-ଅଡ଼ଶପୁରର ଉଦୟନାଥ ସ୍ୱୟଂ ଶାସିତ କଲେଜରୁ ୨୭ କରୋନା ପଜିଟିଭ୍ ଚିହ୍ନଟ ହୋଇଛନ୍ତି, ଆକ୍ରାନ୍ତଙ୍କ ମଧ୍ୟରେ ଜଣେ ଛାତ୍ର ଓ ଅବଶିଷ୍ଟ ୨୬ ଜଣ ଛାତ୍ରୀ ରହିଛନ୍ତି। ଏତେ ସଂଖ୍ୟାରେ ଛାତ୍ରଛାତ୍ରୀ କରୋନାରେ ଆକ୍ରାନ୍ତ ହେବାପରେ କଲେଜ କର୍ତ୍ତୃପକ୍ଷ ତତ୍ପରତା ପ୍ରକାଶ କରିଛନ୍ତି। ୭ ଦିନ ପାଇଁ ସମସ୍ତ କ୍ଲାସ ବାତିଲ କରାଯିବା ସହ ହଷ୍ଟେଲ୍କୁ ବନ୍ଦ କରାଯାଇଛି। ମାତ୍ର ଗତକାଲି ଠାରୁ ପରୀକ୍ଷା ଆରମ୍ଭ ହୋଇଥିବାରୁ ଏହାକୁ ବାତିଲ କରା ନଯାଇ ପଜିଟିଭ୍ ଚିହ୍ନଟ ପିଲାଙ୍କ ପାଇଁ ସ୍ୱତନ୍ତ୍ର ରୁମ୍ର ବ୍ୟବସ୍ଥା କରାଯାଇଛି ବୋଲି କଲେଜ ଅଧ୍ୟକ୍ଷ କହିଛନ୍ତି । ୮ ଜଣଙ୍କୁ କଲେଜ ଅତିଥିଶାଳାରେ ରଖି ଚିକିତ୍ସା କରାଯାଉଛି। ଅନ୍ୟମାନେ ନିଜ ନିଜ ଘରକୁ ଚାଲି ଯାଇଥିବା ଅଧ୍ୟକ୍ଷ ସୂଚନା ଦେଇଛନ୍ତି।
