ଗଞ୍ଜାମ (ଆଶିଷ କୁମାର ଗୌଡ଼) ଭଞ୍ଜନଗର ବ୍ଲକ ବାଦାଙ୍ଗି ଗ୍ରାମ ନିକଟ ଗୁଡ଼ିଆ ତୋଟା ଠାରେ ବଜ୍ରାଘାତରେ ୧୯ଟି ଗାଈ ଓ ବଳଦର ମୃତ୍ୟୁ ଘଟିଛି l ସୁଚନୁସାରେ ବର୍ଷା ପବନ ହେବା ସମୟରେ ଏଣେ ତେଣେ ବୁଲୁଥିବା ଗାଈ ଏବଂ ଗୋରୁ ମାନେ ଏକ ଆମ୍ବ ଗଛ ନିକଟକୁ ଆସିଥିଲେ l ସେଠାରେ ବଜ୍ରାଘାତ ହେବା ଦ୍ୱାରା ଏଭଳି ଘଟଣା ଘଟିଛି l ତେବେ ଗତ କିଛି ଦିନ ହେଲା ଗଞ୍ଜାମ ଜିଲ୍ଲାର ବିଭିନ୍ନ ସ୍ଥାନରେ କାଳ ବୈଶାଖୀ ଯୋଗୁଁ ବିଜୁଳି ସହ ବଜ୍ରପାତ ଦେଖିବାକୁ ମିଳୁଛି l ପ୍ରତିଦିନ ଭଳି ବଦାଙ୍ଗୀ ଓ ଦୋମୁହାଁଣି ଗ୍ରାମର ଗାଈ ଓ ବଳଦ ଚରୁଥିବା ବେଳେ ବଜ୍ରାଘାତ ହେବାରୁ ଏମାନଙ୍କ ମୃତ୍ୟୁ ଘଟିଛି l ପ୍ରାଣ ହରାଇବା ଘଟଣାରେ ରାଜ୍ୟ ସରକାର ଅନୁକମ୍ପାମୂଳକ ସହାୟତା ରାଶି ଘୋଷଣା କରିଛନ୍ତି । ପ୍ରତ୍ୟେକ ଗାଈଙ୍କ ନିମନ୍ତେ ୩୭୫୦୦ଟଙ୍କା ଲେଖାଁଏ ସହାୟତା ଦେବାକୁ ରାଜ୍ୟ ସ୍ୱତନ୍ତ୍ର ରିଲିଫ କମିଶନର ସତ୍ୟବ୍ରତ ସାହୁ ନିର୍ଦ୍ଦେଶ ଦେଇଛନ୍ତି । ଏନେଇ ଗଞ୍ଜାମ ଜିଲ୍ଲାପାଳଙ୍କୁ ରାଜ୍ୟ ସ୍ୱତନ୍ତ୍ର ରିଲିଫ କମିଶନର ନିର୍ଦ୍ଦେଶ ଦେଇଛନ୍ତି ବୋଲି ଜଣାପଡ଼ିଛି ।
