ରାକେଶ ମହାନ୍ତି : ଭୁବନେଶ୍ୱରରୁ ଚୋରୀ କରୁଥିଲେ ଦାମୀ ବାଇକ l ପୋଲିସକୁ ଚକମା ଦେବା ପାଇଁ ଖୋର୍ଦ୍ଧା ଜିଲା ନିରାକାର ପୁର ଥାନା ଅଂଚଳର ଗାଁ ଗହଳିରେ ଗ୍ରାହକ ଠିକ୍ କରିବା ପରେ ବିକୁଥିଲେ ଦାମୀ ବାଇକ l ଏନେଇ ପୋଲିସ୍ ନିକଟରେ ହୋଇଥିଲା ଅଭିଯୋଗ l ଅଭିଯୋଗ ପରେ ପୋଲିସ୍ ବିଛାଇଥିଲା ଜାଲ l ସୁରାକ୍ ପାଇବା ପରେ ୪ ଜଣ ବାଇକ୍ ଲୁଟେରାଙ୍କୁ କୋଦଳାରୁ ଗିରଫ କରିଛି ନିରାକାର ପୁର ଥାନା ପୋଲିସ l ସେମାନଙ୍କ ଠାରୁ ଜବତ ହୋଇଛି ପଲସର ବାଇକ୍ ସହ ଗୋଟିଏ ୟାମା FZ ବାଇକ l ଗିରଫ ଅଭିଯୁକ୍ତ ମାନେ ହେଲେ ଗଂଜାମ ଜିଲା କୋଦଳା ଥାନା ଅଂଚଳର ପି ରବି, ପି ମାଧବ, ଏସ୍ ସିନୁ ଓ ଏସ୍ ଆପା ରାଓ l
ଏହା ସହ ନିରାକାର ପୁର ବଜାରରେ ଥିବା ବ୍ୟାଙ୍କ ଅଫ୍ ବରୋଦାର ATMରୁ ଜଣେ ବ୍ୟକ୍ତି ଟଙ୍କା ଉଠାଇ ନିଜ ସ୍କୁଟି ଡିକିରେ ରଖିଥିବା ବେଳେ ଦୁଇ ଜଣ ଦୂର୍ବୁର୍ତ ସ୍କୁଟି ଡିକି ଭାଙ୍ଗି ୨୦ ହଜାର ଟଙ୍କା ଲୁଟି ନେଇଥିଲେ l ଅଭିଯୋଗ ପରେ ସେହି କୋଦଳା ଅଂଚଳରୁ ୨ ଜଣ ଲୁଟେରାଙ୍କୁ ଗିରଫ କରିଛି ନିରାକାର ପୁର ପୋଲିସ l ସେମାନେ ହେଲେ ଏସ ରାମା ଏବଂ ଏସ ଇଶ୍ୱର ବୋଲି ପୋଲିସ ପ୍ରକାଶ କରିଛି l ସେମାନଙ୍କ ନିକଟରୁ ଲୁଟ୍ ହୋଇଥିବା ୨୦ ହଜାର ଟଙ୍କା ଜବତ କରିଵାରେ ସକ୍ଷମ ହୋଇଛି ପୋଲିସ l
