ଗତ କିଛିଦିନ ଧରି ରାଜଧାନୀରେ ଚୋରି ଓ ଲୁଟତରାଜ୍ ଚଳାଇ ଆସୁଥିବା ଆନ୍ଧ୍ର ଏରଗୋଲା ଇଲାକାର ଏକ 8 ଜଣିଆ ଗ୍ୟାଙ୍ଗକୁ ଗତକାଲି ଧରିବାରେ ସକ୍ଷମ ହୋଇଛି ଭୁବନେଶ୍ୱର ପୋଲିସ ଏମାନେ ଦୁଇଚକିଆ ଯାନର ଡିକି ଓ କାରର ଝରକା କାଚ ଭାଙ୍ଗି ଆଖିପିଛୁଳାକେ ଟଙ୍କା ଓ ମୂଲ୍ୟବାନ ସାମଗ୍ରୀ ଚୋରି କରିବାରେ ମାହିର।
ରାଜଧାନୀର ବିଭିନ୍ନ ଅଞ୍ଚଳରୁ ଏପରି 4 ମାମଲା ଦାୟର ହେବାପରେ ପୋଲିସର ଏକ ସ୍ପେଶଲ୍ ସ୍କ୍ୱାର୍ଡ ସଜାଗ ହୋଇଯାଇଥିଲା।
କାଲି ପୋଲିସ ସେମାନେ ରହୁଥିବା ଭଡ଼ାଘର ଉପରେ ଚଢାଉ କରି 22ରୁ 53 ବର୍ଷ ବୟସର 8 ଦାଗୀଙ୍କୁ ଗିରଫ କରିଛନ୍ତି।
ସେମାନେ ହେଲେ ପେତେଲା ନବୀନ, ଗୁଗୁଲା ରାଜା, ଆକୁଲା ଦାନ୍ତେଲ, ପି ଦେବା, କୁଞ୍ଚାଲୁ ଚିନ୍ନା, ବେଇଗ ଇବ୍ରାଜିମ୍ ବାନାଲା ପୌଲୁ ଓ ଗୁଗୁଲା ସଲମାନ।