ରାଷ୍ଟ୍ରପତି ପଦପାଇଁ ଗତକାଲି ବିଜେପି ନେତୃତ୍ୱାଧୀନ ଏନଡିଏ ପକ୍ଷରୁ ଓଡ଼ିଶାର ପୂର୍ବତନ ମନ୍ତ୍ରୀ ଓ ଝାରଖଣ୍ଡ ରାଜ୍ୟପାଳ ଦ୍ରୌପଦୀ ମୁର୍ମୁଙ୍କୁ ପ୍ରାର୍ଥୀ କରାଯିବା ପରେ ବିରୋଧୀ ଦଳଗୁଡିକ ମିଳିତ ଭାବେ ପୂର୍ବତନ କେନ୍ଦ୍ରମନ୍ତ୍ରୀ ଧୂରୀଣ ରାଜନେତା ଯଶୋବନ୍ତ ସିହ୍ନାଙ୍କୁ ରାଷ୍ଟ୍ରପତି ପ୍ରାର୍ଥୀ କରିଛନ୍ତି । ଏକ ମିଳିତ ସାମ୍ବାଦିକ ସମ୍ମିଳନୀରେ କଂଗ୍ରେସର ମଲ୍ଲୀକାର୍ଜୁନ ଖାରଗେ, ଏନସିପି ସୁପ୍ରିମୋ ଶରଦ ପାୱାର ଓ ସିପିଏମ ନେତା ସୀତାରାମ ୟେଚୁରି ପ୍ରମୁଖଙ୍କ ଉପସ୍ଥିତିରେ ଏହା ଘୋଷଣା କରାଯାଇଛି । ଶ୍ରୀ ସିହ୍ନା ତୃଣମୂଳ କଂଗ୍ରେସର ଜାତୀୟ ଉପସଭାପତି ଅଛନ୍ତି, ବିରୋଧୀ ଦଳଗୁଡିକର ଘୋଷଣା ପରେ ସେ ନିଜ ପଦବୀରୁ ଇସ୍ତଫା ଦେଇଛନ୍ତି।
