ଜର୍ମାନୀ ହମବର୍ଗର ଏକ ଚର୍ଚ୍ଚରେ ଗତକାଲି ରାତିରେ ପ୍ରାର୍ଥନା ଚାଲିଥିବା ସମୟରେ ଅଜଣା ଦୁର୍ବୃତ୍ତ ଆଖିବୁଜା ଗୁଳିମାଡ଼ କରିବା ଫଳରେ ୬ ଜଣ ପ୍ରାଣ ହରାଇଥିବା ବେଳେ ୮ରୁ ଅଧିକ ଗୁରୁତର ଆହତ ହୋଇଛନ୍ତି, ଆହତମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ଏହି ଗୁଳିକାଣ୍ଡରେ କେଉଁମାନଙ୍କର ସଂପୃକ୍ତି ଅଛି, ସେନେଇ କିଛି ଜଣାପଡିନାହିଁ। ପୋଲିସର ସୂଚନା ଅନୁସାରେ ଚର୍ଚ୍ଚର କିଙ୍ଗଡମ୍ ହଲରେ ବହୁଲୋକ ରୁଣ୍ଡ ହୋଇଥିଲେ, ରାତି ପାଖାପାଖି ୯ଟା ସମୟରେ ଜଣେ ଦୁର୍ବୃତ୍ତ ଅତର୍କିତ ଭାବରେ ପ୍ରାୟ ୧୦ ମିନିଟ୍ ପର୍ଯ୍ୟନ୍ତ ଗୁଳି ଚଳାଇଥିଲା।
ପୋଲିସ ଘଟଣାସ୍ଥଳରେ ପହଞ୍ଚି ପାଳଟା ଗୁଳିମାଡ କରିଥିଲା, ଫଳରେ ଆକ୍ରମଣକାରୀର ମଧ୍ୟ ମୃତ୍ୟୁ ଘଟିଥିବା ଅନୁମାନ କରାଯାଉଛି ।
ଆଖପାଖ ଅଞ୍ଚଳକୁ ଯାଞ୍ଚ କରୁଛି ପୋଲିସ । ଏହାସହ ସ୍ଥାନୀୟ ଲୋକଙ୍କୁ ଘରୁ ନ ବାହାରିବାକୁ ପରାମର୍ଶ ଦିଆଯାଇଛି ।