ହାଇଦ୍ରାବାଦ: ହାଇଦ୍ରାବାଦର ଏକ ଆପାର୍ଟମେଣ୍ଟର ତୃତୀୟ ମହଲାରୁ ପଡ଼ି ଜଣେ ଖାଦ୍ୟ ଡେଲିଭରି ବଏଙ୍କ ମୃତ୍ୟୁ ହୋଇଛି। ୨୩ ବର୍ଷୀୟ ମହମ୍ମଦ ରିଜଓ୍ଵାନ ଖାଦ୍ୟ ଡେଲିଭରି ପାଇଁ ଆପାର୍ଟମେଣ୍ଟକୁ ଯାଇଥିଲେ। ସେଠାରେ ଥିବା ଏକ ପୋଷା କୁକୁର ତାଙ୍କୁ ଗୋଡ଼ାଇଥିଲା। ଫଳରେ ସେ ଭୟଭୀତ ହୋଇ ଦୌଡ଼ିବାରୁ ଅକସ୍ମାତ ତୃତୀୟ ମହଲାରୁ ଖସି ପଡ଼ିଥିଲେ।
ସୂଚନା ଅନୁଯାୟୀ, ମହମ୍ମଦ ରିଜୱାନ ବଞ୍ଜରା ହିଲ୍ସରେ ଥିବା ଲୁମ୍ବିନି ରକ୍ କୌଶଲ ଆପାର୍ଟମେଣ୍ଟରେ ଖାଦ୍ୟ ଡେଲିଭରି କରିବାକୁ ଆସିଥିଲେ। ଏଠାରେ ଗ୍ରାହକଙ୍କ ପୋଷା ଜର୍ମାନ ସେଫାର୍ଡ କୁକୁର ତାଙ୍କୁ ଗୋଡ଼ାଇଥିଲା।
ରିଜୱାନ୍ ଗ୍ରାହକଙ୍କ ଦ୍ୱାରରେ ପହଞ୍ଚିବା ବେଳେ କୁକୁରଟି ତାଙ୍କ ଉପରକୁ ଝାମ୍ପ ମାରିଥିଲା। କୁକୁରଠାରୁ ବଞ୍ଚିବା ପାଇଁ ରିଜୱାନ୍ ଏକ ରେଲିଂ ଉପରେ ଡେଇଁବାକୁ ଚେଷ୍ଟା କରିଥିଲେ। କିନ୍ତୁ ଖସି ପଡ଼ି ତଳେ ପଡ଼ିଯାଇଥିଲେ।
ତାଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା। କୁକୁରର ମାଲିକ ତାଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରିଥିଲେ। କିନ୍ତୁ ସେଠାରେ ଡାକ୍ତର ରିଜଓ୍ଵାଲଙ୍କୁ ମୃତ ଘୋଷଣା କରିଥିଲେ।ଏହି ଘଟଣାରେ କୁକୁରର ମାଲିକଙ୍କ ବିରୋଧରେ ମାମଲା ରୁଜୁ କରିଛି ପୋଲିସ।