ବିଜେପିର ବରିଷ୍ଠ ନେତା କେନ୍ଦ୍ରମନ୍ତ୍ରୀ ନୀତିନ ଗଡ଼କରିଙ୍କୁ ଦଳର ସଂସଦୀୟ ବୋର୍ଡରୁ ହଟାଇ ଦିଆଯାଇଛି, ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂଙ୍କୁ ମଧ୍ୟ ବୋର୍ଡରୁ ବାଦ୍ ଦିଆଯାଇଛି। ବିରୋଧୀ ଦଳଗୁଡିକ ପ୍ରତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆଭିମୁଖ୍ୟକୁ ଗଡକରି ପ୍ରତ୍ୟକ୍ଷ ଓ ପରୋକ୍ଷରେ ସମାଲୋଚନା କରୁଥିଲେ। ସେ ଦଳପାଇଁ ଅଡୁଆ ସୃଷ୍ଟି କରୁଥିବା ମନେ କରାଯାଉଥିଲା, ମାତ୍ର ଏହା ଫଳରେ ସେ ଭବିଷ୍ୟତରେ ମୋଦିଙ୍କ ପାଇଁ ଅଧିକ ଅଡୁଆ ସୃଷ୍ଟି କରି ପାରନ୍ତି ବୋଲି ରାଜନୈତିକ ମହଲରେ ଆଲୋଚନା ଆରମ୍ଭ ହୋଇଯାଇଛି ।
ଦଳ ପକ୍ଷରୁ କେନ୍ଦ୍ରୀୟ ନିର୍ବାଚନ ସମିତିର ମଧ୍ୟ ଘୋଷଣା କରାଯାଇଛି । ଏଥିରୁ ମଧ୍ୟ ନୀତିନ ଗଡକରି ବାଦ ପଡିଛନ୍ତି । ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ, କେନ୍ଦ୍ରମନ୍ତ୍ରୀ ଭୂପେନ୍ଦ୍ର ଯାଦବ ଏବଂ ଓମ ମାଥୁରଙ୍କୁ ନୂତନ କରି ଏଥିରେ ସାମିଲ କରାଯାଇଛି । ଏଥିରେ ଥିବା ଅନ୍ୟ ସଦସ୍ୟମାନେ ହେଲେ – ଜେପି ନଡା, ନରେନ୍ଦ୍ର ମୋଦୀ, ରାଜନାଥ ସିଂ, ଅମିତ ଶାହା, ଜେପି ନଡା,ବି.ଏସ୍ ୟେଦୁରୁପ୍ପା, ସର୍ବାନନ୍ଦ ସୋନୋୱାଲ, କେ ଲକ୍ଷ୍ମଣ, ଇକବାଲ ସିଂ ଲାଲପୁରା, ସୁଧା ଯାଦବ, ସତ୍ୟନାରାୟଣ ଜାଟିଆ, ବି.ଏଲ୍ ସାଣ୍ଟୋଶ ଏବଂ ଶ୍ରୀମତୀ ବନାଥୀ ଶ୍ରୀନିବାସ । ଦଳର ଏହି ଶୀର୍ଷ କମିଟିରେ ଯୋଗୀ ଆଦିତ୍ୟ ନାଥଙ୍କୁ ମଧ୍ୟ ରଖାଯାଇ ନାହିଁ।
