ନେପାଳ କଂଗ୍ରେସ ନେତା ରାମଚନ୍ଦ୍ର ପାଉଦେଲ ନେପାଳର ରାଷ୍ଟ୍ରପତି ଭାବେ ନିର୍ବାଚିତ ହୋଇଛନ୍ତି। ‘ପ୍ରଚଣ୍ଡ’ ନାମରେ ପରିଚିତ ମାଓବାଦୀ ନେତା ପୁଷ୍ପକମଲ ଦହଲଙ୍କ ନେତୃତ୍ୱରେ ଚାଲିଥିବା ୮ଦଳିଆ ମେଣ୍ଟ ତରଫରୁ ସେ ପ୍ରାର୍ଥୀ ହୋଇଥିଲେ। ସେ ତାଙ୍କର ନିକତମ ପ୍ରତିଦ୍ୱନ୍ଦୀ ସୁଭାଷ ଚନ୍ଦ୍ର ନେମ୍ବବାଙ୍ଗଙ୍କୁ ୧୮ ହଜାରରୁ ଉର୍ଦ୍ଧ୍ବ ଭୋଟ ବ୍ଯବଧାନରେ ପରାସ୍ତ କରିଛନ୍ତି। ତାଙ୍କୁ ଶାସକ ମେଣ୍ଟର ୩୫୨ ବିଧାୟକ ଓ ୨୧୪ ଜଣ ସାଂସଦଙ୍କ ଭୋଟ ମିଳିଛି।
୭୮ ବର୍ଷୀୟ ରାମଚନ୍ଦ୍ର ପାଉଦେଲ ନେପାଳ କଂଗ୍ରେସର ଜଣେ ବରିଷ୍ଠ ନେତା । ୨୦୨୨ ସାଧାରଣ ନିର୍ବାଚନରେ ତାଙ୍କୁ ମନୋନୀତ ସାଂସଦ ଭାବେ ଚୟନ କରାଯାଇଥିଲା । ପୂର୍ବରୁ ସେ ନେପାଳ ସରକାରରେ ଉପ ପ୍ରଧାନମନ୍ତ୍ରୀ ଓ ପ୍ରତିନିଧି ସଭାର ଅଧ୍ୟକ୍ଷ ଭାବେ ମଧ୍ୟ କାର୍ଯ୍ୟ କରିଛନ୍ତି ।