ଉତ୍ତରଖଣ୍ଡର ଜଣେ ଖଣି ମାଫିଆକୁ ଧରିବାକୁ ଯାଇ ପୋଲିସ ଏବଂଖଣି ମାଫିଆ ମଧ୍ୟରେ ଗୁଳି ବିନିମୟ ଜଣେ ମହିଳାଙ୍କ ମୃତ୍ୟୁ ହୋଇଥିବା ବେଳେ ୫ ଜଣ ପୋଲିସ କର୍ମୀ ଆହତ ହେଇଛନ୍ତି । ମୃତ ମହିଳା ଜଣକ ହେଲେ ଭାରତୀୟ ଜନତା ପାର୍ଟି(ବିଜେପି) ନେତା ଗୁରୁତାଜ୍ ବୁଲାରଙ୍କ ପତ୍ନୀ ଗୁରୁପ୍ରୀତ କୌର୍।ବିଜେପି ନେତାଙ୍କ ପତ୍ନୀଙ୍କ ମୃତ୍ୟୁକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଛି। ଖଣି ମାଫିଆ ଜାଫର୍କୁ ଧରିବା ପାଇଁ ମୋରାବାଦ୍ ପୁଲିସ୍ ଉତ୍ତରାଖଣ୍ଡର ଜଶପୁରରେ ପହଞ୍ଚି ଗୁଳି ଚଳାଇବା ପରେ ଏପରି ଘଟଣା ଘଟିଥିଲା। ଏ ନେଇ ମୋରାବାଦ୍ର ବରିଷ୍ଠ ପୁଲିସ୍ ସାଲାବ ମଥୁର କହିଛନ୍ତି, ‘ଜାଫର୍ ହେଉଛି ଜଣେ ଏପରି ଅପରାଧୀ, ଯାହାକୁ ଧରିବା ପାଇଁ ୫୦ ହଜାର ଟଙ୍କା ପୁରସ୍କାର ରାଶି ରଖା ଯାଇଥିଲା। ସେ ଭରତପୁର ଗ୍ରାମରୁ ଖସି ପଳାଇବା ପରେ ପୁଲିସ୍ ଖୋଜିବା ଆରମ୍ଭ କରିଥିଲା।ପୁଲିସ୍ ଟିମ୍ ସେଠାରେ ପହଞ୍ଚିବା ପରେ ସେମାନଙ୍କୁ ବନ୍ଧକ ରଖି ସେମାନଙ୍କ ନିକଟରୁ ଅସ୍ତ୍ରଶସ୍ତ୍ର ଛଡ଼ାଇନେଇଥିଲେ । ଆହତ ହୋଇଥିବା ୫ଜଣ ପୋଲିସ କର୍ମୀଙ୍କୁ ହସ୍ପିଟାଲ୍ରେ ଭର୍ତି କରାଯାଇଛି ।
